Cwmpeini

Cwmpeiniwr dros y ffôn

Os ydych chi, neu rywun sy'n agos atoch chi, yn derfynol wael, efallai y bydd angen rhywun arnoch chi er mwyn siarad â nhw. Mae gwasanaeth Cwmpeini ffôn Marie Curie yn darparu cefnogaeth emosiynol barhaus gyda'r un gwirfoddolwr hyfforddedig bob wythnos, waeth ble rydych chi'n byw yn y Deyrnas Unedig neu os ydych chi wedi cael cymorth gan Marie Curie o'r blaen. Efallai y bydd gennych lawer i'w ddweud, neu ychydig iawn. Sut bynnag rydych chi'n teimlo, gallwch siarad amdano gyda chydymaith cyfeillgar, anfeirniadol.

Cwmpeini yn y cartref

Gall Cwmpeinwyr gynnig cefnogaeth i chi yng nghysur eich cartref eich hun, am hyd at dair awr bob wythnos. Os oes angen i chi wneud rhywbeth o gwmpas y tŷ, mynd ar neges, neu siarad am sut rydych chi'n teimlo, bydd Cwmpeiniwr Marie Curie yno ochr-yn-ochr â chi. Gallent hefyd eich cefnogi i gymryd rhan yn y gweithgareddau rydych chi'n eu mwynhau fwyaf, fel coginio, chwarae gemau cardiau a garddio. Mae'r gwasanaeth yn seiliedig ar eich anghenion yn llwyr. Mewn rhai meysydd, gallent hefyd gefnogi pobl mewn cartrefi gofal.

Sut mae'n gweithio?

Er mwyn eich paru â'r cydymaith cywir, mae angen i ni ddeall beth sy'n bwysig i chi. Pan gewch eich cyfeirio at y gwasanaeth gan dîm yr ysbyty sy'n gyfrifol am eich gofal, bydd aelod o'n tîm yn cysylltu i rannu mwy o wybodaeth a darganfod sut y gallwn eich cefnogi orau.

Yn seiliedig ar hyn, rydyn ni'n eich paru â chydymaith Marie Curie hyfforddedig i roi cefnogaeth barhaus, rheolaidd – ac am ddim - i chi, am ychydig oriau bob wythnos, unrhyw ddiwrnod o'r wythnos.