Hosbis Marie Curie, Caerdydd a'r Fro

Darllen y dudalen hon yn Saesneg

Read this page in English

Croeso i hosbis Caerdydd a'r Fro

Darparwn ofal a chefnogaeth arbenigol i bobl sydd â salwch maen nhw'n debygol o farw ohono, a'r bobl sy'n agos atyn nhw, yn rhad ac am ddim. Mae hyn yn cynnwys clefyd Alzheimer (a mathau eraill o ddementia), clefyd y galon, clefydau'r afu, arennau a'r ysgyfaint, clefyd niwronau motor, Parkinson's a chanser difrifol. Beth bynnag fo'ch salwch, pwy bynnag ydych chi, rydyn ni gyda chi tan y diwedd.

Beth sy’n digwydd?

I sicrhau eich bod yn cael y cymorth cywir, dechreuwn drwy wrando; yr hyn sydd bwysicaf i chi sydd bwysicaf i ni. Gall ein cefnogaeth gynnwys:

Arhosiad claf mewnol

Os oes angen gofal arbenigol arnoch, gallwch aros yn ein hosbis fel claf mewnol. Gall hynny fod tan fydd eich symptomau wedi'u sefydlogi, neu efallai y byddwch yn aros am eich dyddiau olaf.

Gofal claf allanol

Gallwch ymweld â'n hosbis i gael gofal personol wedi'i dargedu at eich anghenion - p'un a ydych newydd gael diagnosis, yn agosáu at ddiwedd oes neu'n agos at rywun sydd â salwch angheuol.

Cymorth llesiant

O ymarfer corff ysgafn i hypnotherapi, cynigiwn ystod eang o weithgareddau yn yr hosbis i'ch helpu i fyw'r bywyd gorau posibl.

Ymweliad cartref

Gallwch drefnu ymweliadau cartref i gael yr un gofal arbenigol ag y byddech mewn hosbis. Bydd ein tîm yn asesu eich anghenion, yn darparu cymorth ac yn eich helpu i gynllunio ar gyfer y dyfodol.

Sut gallaf i dderbyn gofal yn yr hosbis hon?

Os ydych chi neu rywun sy'n agos atoch yn byw gyda salwch terfynol a hoffech chi gefnogaeth gan Hosbis Marie Curie Caerdydd a'r Fro, cysylltwch â'r gweithiwr gofal iechyd proffesiynol sy'n gyfrifol am eich gofal chi neu eich anwylyd. Gallai hyn fod yn dîm gofal lliniarol cymunedol, meddyg teulu, ymgynghorydd ysbyty neu nyrs ardal.

Pam na allaf gyfeirio fy hun?
Rydym yn gweithio mewn partneriaeth â'r Gwasanaeth Iechyd Gwladol (GIG) ac mae ein hosbisau yn ffurfio un rhan o'ch gofal cyffredinol. Er mwyn sicrhau bod yr holl wahanol fathau o ofal a chymorth a gewch yn gweithio'n dda gyda'i gilydd, mae'n ddefnyddiol iddynt gael eu cydlynu trwy'r gweithiwr gofal iechyd proffesiynol sydd â chyfrifoldeb am eich gofal.

Gwybodaeth i weithwyr gofal iechyd proffesiynol

Mae ein hosbis yn darparu gofal arhosiad byr i gleifion mewnol, gwasanaethau cleifion allanol a gwasanaethau llesiant ar gyfer oedolion. Rydym hefyd yn cefnogi teuluoedd a gofalwyr. Rydym yn derbyn atgyfeiriadau gan dimau gofal lliniarol ysbytai a chymunedol yn ogystal â gan feddygon teulu.

Ffoniwch 02920 426 000
E-bost penarth.hospice@mariecurie.org.uk
Llenwch ein ffurflen atgyfeirio.

Cymrwch gip

1/19

Darganfyddwch fwy am Hosbis Marie Curie Caerdydd a'r Fro

“

Ni allaf ddiolch digon i Marie Curie am y gofal gwych a roddwyd i fy mam. Daeth â chysur mawr i'n teulu i wybod bod ganddi'r gofal 24 awr gorau posibl yn yr hosbis.

Roedd gan Mam ffenest fawr ac roedd hi'n gallu gweld y môr a rhan o bier Penarth o'i chadair a'i gwely. Byddai'n eistedd yno yn sedd hardd y ffenestr gyda'i het haul bach a'i sbectol haul ymlaen gyda'r haul yn llifo i mewn, roedd yn dawel a heddychlon.

Carolyn, bu farw ei mam Anne yn Hosbis Marie Curie, Caerdydd a'r Fro.

Ble yr ydym ni

Marie Curie Hospice
Cardiff and the Vale
Bridgeman Road
Penarth
UK

View larger map

Amseroedd ymweld

Cleifion mewnol Ar gyfer cleifion mewnol, mae amseroedd ymweld yn hyblyg. Ffoniwch ni ar 029 2042 6000 am fwy o wybodaeth.

Gwasanaethau lles a chymorth I gael gwybod beth sydd ar gael yn ein Canolfan Llesiant a Chymorth, ffoniwch ni ar 029 2042 6000 neu anfonwch neges e-bost at wellbeingandsupporthub@mariecurie.org.uk am fwy o wybodaeth.

Sut i'n cefnogi

Rydym yn dibynnu ar gefnogaeth pobl leol i barhau i ddarparu gofal a chymorth arbenigol yn rhad ac am ddim. Darganfyddwch sut y gallwch wirfoddoli, codi arian, neu gyfrannu i gefnogi eich hosbis leol.

Darganfyddwch sut y gallwch chi helpu